Deepika
ADVERTISEMENT
District News
ചേര്‍ത്തല: റോട്ടറി ക്ലബ് ഭാരവാഹികളുടെ സ്ഥാനാരോഹണം നാളെ നടക്കും. വൈകുന്നേരം ഏഴിന് നിയമസഭാ ഡെപ്യൂട്ടി സ്പീക്കര്‍ ഷാനിമോള്‍ ഉസ്മാന്‍ സമ്മേളനം ഉദ്ഘാടനം ചെയ്യും. റോട്ടറി ക്ലബ് ഓഡിറ്റോറിയത്തില്‍ ചേരുന്ന യോഗത്തില്‍ റോട്ടറി ഡിസ്ട്രിക്ട് മുന്‍ ഗവര്‍ണര്‍ ഡോ. ടിന ആന്‍റണി വിശിഷ്ടാതിഥിയാകും.
വൈവിധ്യമാര്‍ന്ന സാമൂഹ്യക്ഷേമ പദ്ധതികള്‍ നടപ്പാക്കുമെന്ന് പ്രസിഡന്‍റ് ഓമന ജോസഫ് പുളിക്കപ്പറമ്പില്‍, സെക്രട്ടറി എ.ജി. ആന്‍റണി, ട്രഷറര്‍ പി.ജെ. ജോസഫ്, മറ്റ് ഭാരവാഹികളായ ബി. ശിവന്‍കുട്ടി നായര്‍, ജോസ് കൂമ്പയില്‍, ഡി. ഗിരീഷ്‌കുമാര്‍, എം.മോഹനന്‍ നായര്‍ എന്നിവര്‍ പറഞ്ഞു.
വിദ്യാര്‍ഥികള്‍ക്കുള്ള സഹായ പദ്ധതികള്‍, രോഗപ്രതിരോധ-ആരോഗ്യ സംരക്ഷണ പരിപാടികള്‍, ശുചിത്വ ബോധവത്കരണ പ്രവര്‍ത്തനങ്ങള്‍, ജല-പരിസ്ഥിതി സംരക്ഷണ സംരംഭങ്ങള്‍, വൃക്ഷത്തൈ നടീല്‍, യുവജന-സ്ത്രീ ശക്തീകരണ പദ്ധതികള്‍ എന്നിവ കൂടുതല്‍ വിപുലമായി നടപ്പാക്കും. തൂഫാന്‍റെ ഭാഗമായി സ്‌കൂള്‍ - കോളജ് തലത്തില്‍ വിപുലമായ പ്രചാരണവും ബോധവത്കരണവും നടത്തും.
അന്തരാഷ്ട്ര ഭിന്നശേഷി ദിനമായ ഡിസംബര്‍ മൂന്നിന് കിടപ്പു രോഗികള്‍ക്കായി ഒരു ദിവസത്തെ ക്യാമ്പ് നടത്തും. ഭക്ഷണം, ഭക്ഷണ കിറ്റ്, ആവശ്യമായ വീല്‍ ചെയര്‍, വാക്കര്‍ എന്നിവയും ക്യാമ്പില്‍ നല്‍കുമെന്ന് അവര്‍ പറഞ്ഞു. നിര്‍ധനരായവരെ കണ്ടെത്തി അവര്‍ക്കു വീടുവച്ചു നല്‍കും.
Kerala
ചങ്ങനാശേരി: കോളജ് ലൈബ്രേറിയന്‍സ് അസോസിയേഷന്‍, കേരള (കെസിഎല്‍എ) മഹാത്മാഗാന്ധി സര്‍വകലാശാല റീജണിന്‍റെ പുതിയ ഭാരവാഹികളെ തെരഞ്ഞെടുത്തു.
തൊടുപുഴ ന്യൂമാന്‍ കോളജ് യുജിസി ലൈബ്രേറിയന്‍ ലിസ് ജേക്കബ് പ്രഡിഡന്‍റായും ചങ്ങനാശേരി അസംപ്ഷന്‍ കോളജ് യുജിസി ലൈബ്രേറിയന്‍ ഫാ. റ്റിഞ്ചു ടോം സെക്രട്ടറിയായും തെരഞ്ഞെടുക്കപ്പെട്ടു.
പെരുന്ന എന്‍എസ്എസ് ഹിന്ദു കോളജിലെ അര്‍ച്ചന ഉണ്ണികൃഷ്ണന്‍ (വൈസ് പ്രസിഡന്‍റ്), തൃക്കാക്കര ഭാരതമാതാ കോളജിലെ ഗ്രീറ്റി ടോംസ് (ജോയിന്‍റ് സെക്രട്ടറി), മുരിക്കാശേരി പാവനാത്മ കോളജിലെ ജോയ്‌സി പി.ഡി. (ട്രഷറര്‍) എന്നിവരാണ് മറ്റ് പ്രധാന ഭാരവാഹികള്‍.
അക്കാദമിക് കമ്മിറ്റി അംഗമായി നെടുങ്കണ്ടം എംഇഎസ് കോളജിലെ മുഹമ്മദ് സിയാദ് പി.എസും സര്‍വീസ് കമ്മിറ്റി അംഗമായി മന്നാനം സെന്‍റ് ജോസഫ്‌സ് ട്രെയിനിംഗ് കോളജിലെ നീതു മോഹനനും തെരഞ്ഞെടുക്കപ്പെട്ടു.
International
അബുദാബി: കത്തോലിക്ക കോൺഗ്രസ് ഗ്ലോബൽ മുസഫ യൂണിറ്റിന്‍റെ കുടുംബസംഗമവും പുതിയ ഭാരവാഹികളുടെ സ്ഥാനാരോഹണവും നടത്തി.
മുൻ വർക്കിംഗ് കമ്മിറ്റി അംഗം ജോജി സെബാസ്റ്റ്യൻ ചടങ്ങിൽ പതാക ഉയർത്തി. കത്തോലിക്ക കോൺഗ്രസ് യുഎഇ പ്രസിഡന്‍റ് ബിജു ഡൊമിനിക്കിന്‍റെ അധ്യക്ഷതയിൽ ചേർന്ന സമ്മേളനം ഗ്ലോബൽ വൈസ് പ്രസിഡന്‍റ് ബെന്നി മാത്യു ഉദ്ഘാടനം ചെയ്തു.
മെജോ ആന്‍റണി, ജിറ്റോ ജോസ്, ജിജോ വർഗീസ്, ദീപു സെബാസ്റ്റ്യൻ, രാജീവ് ഏബ്രഹാം, ഷാജു ദേവസി, ജോസ് ആന്‍റണി, റീസൺ വർഗീസ് എന്നിവർ പ്രസംഗിച്ചു.
പുതിയ ഭാരവാഹികളായി റീസൺ വർഗീസ് (പ്രസിഡന്‍റ്), ജസ്റ്റിൻ കെ. മാത്യു (ജനറൽ സെക്രട്ടറി), സുനിൽ ബി. കല്ലിങ്കൽ (ട്രഷറർ), ബിജു സെബാസ്റ്റ്യൻ, സിബിച്ചൻ ഈപ്പൻ (വൈസ് പ്രസിഡന്‍റുമാർ), ജിജോ ജേക്കബ്, സോജി ജോസഫ് (സെക്രട്ടറിമാർ), ബിജു തോമസ്( മീഡിയ കോഓർഡിനേറ്റർ), ജോപ്പൻ ജോസ്സു, ജോസഫ് ജോസ് (യൂത്ത് കോഓർഡിനേറ്റർസ്), ദീപ ജോസ്, ജോസ്‌ലിൻ ഗ്ലിറ്റോ (വനിതാ വിഭാഗം കോഓർഡിനേറ്റർസ്), ജോജി സെബാസ്റ്റ്യൻ, ബെന്നി വല്ലാച്ചിറ, പ്രിൻസ് ജോബ്, ജോബിൻ ജോസഫ്, ജോൺ മാത്യു നിജു മാത്യു (എക്സിക്യൂട്ടീവ് കമ്മറ്റി മെമ്പർമാർ), സജി തോമസ്, ബിജു ജോസഫ്, ബിജു ഡൊമിനിക് (യുഎഇ വർക്കിംഗ് കമ്മിറ്റി മെമ്പർമാർ) എന്നിവർ ചുമതലയേറ്റു.
Kerala
കൊച്ചി: നീന കുറുപ്പിന്റെ ശബ്ദ സന്ദേശം ഉള്‍പ്പെടെയാണ് താന്‍ കൊച്ചി സിറ്റി പോലീസ് കമ്മിഷണര്‍ക്ക് പരാതി നല്‍കിയതെന്ന് താരസംഘടനയായ 'അമ്മ' ഓഫീസ് ജീവനക്കാരി അതുല്യ. തൊഴില്‍ പീഡനം പുറത്തു പറഞ്ഞതിന്റെ വൈരാഗ്യത്തില്‍ അപകീര്‍ത്തിപ്പെടുത്തുകയും ഭീഷണിപ്പെടുത്തുകയും ചെയ്യുന്നുവെന്ന് ആരോപിച്ച് നീന കുറുപ്പ്, ഉണ്ണി ശിവപാല്‍, കുക്കു പരമേശ്വരന്‍ എന്നിവര്‍ക്കെതിരെയാണ് അതുല്യ പരാതി നല്‍കിയത്.
എന്നെ ടെര്‍മിനേറ്റ് ചെയ്തതിന്‍റെ ഭാഗമായി കുക്കു പരമേശ്വരനും ഉണ്ണി ശിവപാലും നീന കുറുപ്പും ഉണ്ടാക്കിയ വലിയൊരു സ്‌ക്രിപ്റ്റ് ഉണ്ടായിരുന്നു. സെക്യൂരിറ്റി എന്നെ വിളിച്ച് ഈ കാര്യങ്ങള്‍ പറയാന്‍ അയാളെ ഏല്‍പ്പിച്ചുവെന്ന് പറയുന്ന വോയിസ് ക്ലിപ്പ് ഉള്‍പ്പെടെയാണ് പരാതി കൊടുത്തിട്ടുള്ളത്.
ഞാന്‍ തൊഴില്‍ പീഡന പരാതി കൊടുത്തതിന് പിന്നാലെ നീന കുറുപ്പിന്റെ ഒരു ഓഡിയോ പുറത്തു വന്നിരുന്നു. നീന കുറുപ്പ് എന്നോട് സംസാരിച്ച ഒരു ഓഡിയോ തെളിവായി നല്‍കിയിരുന്നു. ഞാന്‍ വിക്ടിം ഗെയിം ആണ് കളിക്കേണ്ടിയിരുന്നത്, ലക്ഷ്മിപ്രിയ ചീത്ത വിളിച്ചപ്പോള്‍ ഞാന്‍ അതായിരുന്നു മോളെ ചെയ്തത് എന്നൊക്കെ പറയുന്ന ഒരു ഓഡിയോയാണ്.
മാധ്യമങ്ങളോട് സംസാരിച്ചതിന്, ഒരുത്തനുമായി ബന്ധമുണ്ടാക്കിയിട്ട് നാളെ വെര്‍ജിന്‍ ആണെന്ന് പറഞ്ഞാല്‍ മതിയോ എന്നൊക്കെ ചോദിക്കുന്ന ഓഡിയോ, ഇതെല്ലാം ചേര്‍ത്താണ് കമ്മിഷണര്‍ക്ക് പരാതി കൊടുത്തിട്ടുള്ളത് എന്ന് അതുല്യ പ്രതികരിച്ചു.
അമ്മ ഓഫീസില്‍ നിന്നും പുറത്താക്കിയ ശേഷം അതുല്യയെ തിരിച്ചെടുത്തിരുന്നു. ഉണ്ണി ശിവപാലും കുക്കു പരമേശ്വരനും എടുത്ത നടപടി റദ്ദാക്കി അതുല്യയെ അമ്മയില്‍ തിരിച്ചെടുത്തതായാണ് പ്രസിഡന്‍റ് ശ്വേത മേനോന്‍ അറിയിച്ചത്. അന്ന് മുതല്‍ വീട്ടിലിരുന്നാണ് സംഘടനയക്ക് വേണ്ടി അതുല്യ പ്രവര്‍ത്തിക്കുന്നത്.
Movies
നീന കുറുപ്പിന്റെ ശബ്ദ സന്ദേശം ഉള്‍പ്പെടെയാണ് താന്‍ കൊച്ചി സിറ്റി പോലീസ് കമ്മിഷണര്‍ക്ക് പരാതി നല്‍കിയതെന്ന് താരസംഘടനയായ 'അമ്മ' ഓഫീസ് ജീവനക്കാരി അതുല്യ. തൊഴില്‍ പീഡനം പുറത്തു പറഞ്ഞതിന്റെ വൈരാഗ്യത്തില്‍ അപകീര്‍ത്തിപ്പെടുത്തുകയും ഭീഷണിപ്പെടുത്തുകയും ചെയ്യുന്നുവെന്ന് ആരോപിച്ച് നീന കുറുപ്പ്, ഉണ്ണി ശിവപാല്‍, കുക്കു പരമേശ്വരന്‍ എന്നിവര്‍ക്കെതിരെയാണ് അതുല്യ പരാതി നല്‍കിയത്.
എന്നെ ടെര്‍മിനേറ്റ് ചെയ്തതിന്‍റെ ഭാഗമായി കുക്കു പരമേശ്വരനും ഉണ്ണി ശിവപാലും നീന കുറുപ്പും ഉണ്ടാക്കിയ വലിയൊരു സ്‌ക്രിപ്റ്റ് ഉണ്ടായിരുന്നു. സെക്യൂരിറ്റി എന്നെ വിളിച്ച് ഈ കാര്യങ്ങള്‍ പറയാന്‍ അയാളെ ഏല്‍പ്പിച്ചുവെന്ന് പറയുന്ന വോയിസ് ക്ലിപ്പ് ഉള്‍പ്പെടെയാണ് പരാതി കൊടുത്തിട്ടുള്ളത്.
ഞാന്‍ തൊഴില്‍ പീഡന പരാതി കൊടുത്തതിന് പിന്നാലെ നീന കുറുപ്പിന്റെ ഒരു ഓഡിയോ പുറത്തു വന്നിരുന്നു. നീന കുറുപ്പ് എന്നോട് സംസാരിച്ച ഒരു ഓഡിയോ തെളിവായി നല്‍കിയിരുന്നു. ഞാന്‍ വിക്ടിം ഗെയിം ആണ് കളിക്കേണ്ടിയിരുന്നത്, ലക്ഷ്മിപ്രിയ ചീത്ത വിളിച്ചപ്പോള്‍ ഞാന്‍ അതായിരുന്നു മോളെ ചെയ്തത് എന്നൊക്കെ പറയുന്ന ഒരു ഓഡിയോയാണ്.
മാധ്യമങ്ങളോട് സംസാരിച്ചതിന്, ഒരുത്തനുമായി ബന്ധമുണ്ടാക്കിയിട്ട് നാളെ വെര്‍ജിന്‍ ആണെന്ന് പറഞ്ഞാല്‍ മതിയോ എന്നൊക്കെ ചോദിക്കുന്ന ഓഡിയോ, ഇതെല്ലാം ചേര്‍ത്താണ് കമ്മിഷണര്‍ക്ക് പരാതി കൊടുത്തിട്ടുള്ളത് എന്ന് അതുല്യ പ്രതികരിച്ചു.
അമ്മ ഓഫീസില്‍ നിന്നും പുറത്താക്കിയ ശേഷം അതുല്യയെ തിരിച്ചെടുത്തിരുന്നു. ഉണ്ണി ശിവപാലും കുക്കു പരമേശ്വരനും എടുത്ത നടപടി റദ്ദാക്കി അതുല്യയെ അമ്മയില്‍ തിരിച്ചെടുത്തതായാണ് പ്രസിഡന്‍റ് ശ്വേത മേനോന്‍ അറിയിച്ചത്. അന്ന് മുതല്‍ വീട്ടിലിരുന്നാണ് സംഘടനയക്ക് വേണ്ടി അതുല്യ പ്രവര്‍ത്തിക്കുന്നത്.
Business
എറണാകുളം: കേരള ഹൈടെന്‍ഷന്‍ ആന്‍ഡ് എക്‌സ്ട്രാ ഹൈടെന്‍ഷന്‍ ഇന്‍ഡസ്ട്രിയല്‍ ഇലക്‌ട്രിസിറ്റി കണ്‍സ്യൂമേഴ്‌സ് അസോസിയേഷന്‍റെ 2026-27 വര്‍ഷത്തെ ഭാരവാഹികളെ തെരഞ്ഞെടുത്തു. പ്രസിഡന്‍റ്- സജി മാത്യു (ഇലക്ട്രിക്കൽ മാനേജർ, എംആർഎഫ്), ജനറല്‍ സെക്രട്ടറി- കെ.ആര്‍. രാധാകൃഷ്ണന്‍ (ജനറൽ മാനേജർ, കാർബോറാണ്ടം യൂണിവേഴ്സൽ) ട്രഷറര്‍- എം. പ്രദീപ് ( അസി. ജനറൽ മാനേജർ, ഹിൻഡാൽക്കോ), വൈസ് പ്രസിഡന്‍റ്- രഞ്ജിത്ത് ജേക്കബ് (ഗ്രൂപ്പ് മാനേജർ, അപ്പോളോ ടയേഴ്സ്), വൈസ് പ്രസിഡന്‍റ്- ആര്‍. ശരത് (സീനിയർ മാനേജർ ഇലക്ട്രിക്കൽ, എഫ്എസിടി), ജോയിന്‍റ് സെക്രട്ടറി- പി.എം. സുജിത്ത് (ഇലക്ട്രിക്കൽ മാനേജർ, എച്ച്ഒസിഎൽ), ജോയിന്‍റ് സെക്രട്ടറി-റോമി ജോര്‍ജ് (ഡെ.മാനേജർ, നിറ്റാ ജലാറ്റിൻ).
എറണാകുളത്തു ചേർന്ന 38-ാമത് വാര്‍ഷിക പൊതുയോഗത്തിലായിരുന്നു തെരഞ്ഞെടുപ്പ്. യോഗത്തിൽ പ്രസിഡന്‍റ് നായര്‍ നന്ദകുമാര്‍ അധ്യക്ഷത വഹിച്ചു. എ.ആര്‍. സതീഷ്, എസ്. ജയതിലകന്‍, കെ. വിശ്വനാഥന്‍, എ.എ. മുഹമ്മദ് നവാസ്, ജേക്കബ് ചെറിയാന്‍, സജി വി. മാത്യു, ടി.കെ. രാജു, പ്രിനി പീറ്റര്‍ എന്നിവര്‍ പ്രസംഗിച്ചു.
ADVERTISEMENT
ADVERTISEMENT
SPACE FOR ADVERTISEMENT
Copyright © 2026, Rashtra Deepika Ltd. All Rights Reserved.
Design and Development 
Corehub Solutions
Contact Numbers :
+91 481 2566706, 2566707, 2566708
About Us Feedback Privacy Policy Terms and Conditions for Online Payment
E-paper LOGIN
LOGIN